Músicas de Eslovaquia, Colombia, Venezuela ou Siria presentes no evento Womex da Coruña
Profesionais de 90 países abordan na Coruña as distintas propostas de músicas do mundo durante a primeira xornada do evento Womex, que conta con máis de 250 postos no Palacio de Congresos e Exposicións (Palexco).
Por Europa Press / Redacción | A CORUÑA | 26/10/2023 | Actualizada ás 19:26
Profesionais de 90 países abordan na Coruña as distintas propostas de músicas do mundo durante a primeira xornada do evento Womex, que conta con máis de 250 postos no Palacio de Congresos e Exposicións (Palexco). A eles, achegáronse nesta primeira xornada as persoas participantes neste encontro no que se descobren as diferentes formas de promoción e conservación de estilos e xéneros musicais de distintos países.
Entre eles están Eslovaquia, Colombia, Venezuela, Siria, Francia, Portugal, Dinamarca, Italia, Líbano, España, Turquía ou Polonia, entre outros. "Conferencias, reunións ou exposicións fan da feira musical Womex un lugar perfecto para establecer contactos para os profesionais da música", remarcan desde o consistorio.
