Por Galicia Confidencial | Allariz | 28/10/2023 | Actualizada ás 10:00
O prazo para enviar propostas ao Festival Internacional de Xardíns de Allariz, que celebrará a súa décimo cuarta edición en 2024, remata o 30 de novembro. O tema escollido para esta convocatoria é “O xardín é unha obra de arte”, co que se pretende reflexionar sobre a relación entre a natureza e a creación artística.
Este evento é unha iniciativa pioneira a nivel do estado, celébrase desde o 2010 na vila ourensá e consiste na exposición de varios proxectos de xardíns efémeros seleccionados por un xurado internacional entre as propostas recibidas. Cada ano move a milleiros de visitantes movidos pola curiosidade e sobretodo atraídos polo paisaxismo e a arte contemporánea. O obxectivo é promover a cultura do paisaxe, a educación ambiental e o desenvolvemento sustentable.
As bases do concurso están dispoñibles na páxina web do festival, onde tamén se pode consultar o formulario de inscrición e os requisitos técnicos e administrativos. As propostas deben ser orixinais e inéditas, e deben adaptarse ao espazo asignado polo festival, que ten unha superficie aproximada de 200 metros cadrados.
Os autores dos proxectos seleccionados poderán ver a súa proposta executada no 2024 e os xardíns participarán no Premio do Público, recoñecemento que se outorga ao máis votado polos visitantes do festival.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.