Morre un motorista que levaba mal posto o casco en Petín
A Garda Civil rectificou unha información inicial na que apuntaba a que non levaba casco.
Por Europa Press / Redacción | OURENSE | 27/12/2023 | Actualizada ás 16:50
Un home de 69 anos morreu este mércores despois de que a motocicleta que conducía saísese da estrada e chocase contra o muro dunha vivenda no municipio ourensán de Petín. O home levaba o casco mal posto.
Segundo informa a Garda Civil, ocorreu pouco antes das 15,00 da tarde na OU-134, na travesía que une A Portela con Portomourisco. No punto quilométrico 3,800 da citada vía, a motocicleta saíu pola marxe esquerda e chocou contra o muro dunha casa. O condutor, único ocupante do vehículo.
Foi un veciño o que se atopou o corpo sen vida deste home de 69 anos, veciño de Portomourisco, tombado á beira da motocicleta. Pouco despois, ás 15,36 horas, o médico desprazado ao momento certificou a súa morte.
Aínda que nun principio a Garda Civil apuntaba que non levaba casco de protección, posteriormente matizou que si o empregaba, pero que "non o levaba correctamente abrochado". Por iso, no momento do impacto, desprendéuselle da cabeza e golpeouse a cara contra o muro.
