Movistar Plus+ estrea o xoves en Pontevedra o primeiro episodio de 'A guerra do haxix'

O Teatro Principal de Pontevedra acollerá o vindeiro xoves, día 11 de xaneiro, a presentación do primeiro episodio do documental 'A guerra do haxix', dirixido polo xornalista Víctor Méndez, creador de Narcogallegos e producida pola empresa audiovisual pontevedresa Imaco.

A concelleira de benestar social do Concello de Pontevedra, Anabel Gulías, recibiu este martes a Víctor Méndez que avanzou algúns detalles desta miniserie de televisión, que Movistar+ estreará o día 16, na que relata a chegada do haxix a toda Europa a través de España "por terra, mar e aire".

Desde dentro da acción e a través dos seus protagonistas, este documental ofrece unha visión exhaustiva dun negocio "dominado polo crime organizado que xera unha espiral de violencia e que move millóns de euros manchados de sangue".

O documental percorre puntos crave neste negocio ilegal como o Campo de Xibraltar, o Delta do Ebro, a Costa do Sol, Marrocos, Portugal e, por suposto, Galicia. O xornalista fala cos máximos responsables policiais, xudiciais e sociais da loita antidroga en España e mesmo cun "destacado integrante do cártel dos Balcáns", considerada a maior organización de tráfico de drogas do mundo.

Interceptan ao norte de Canarias unha embarcación con preto de 15.000 quilos de haxix. AXENCIA TRIBUTARIA