A xeración Z galega pasa dos medios de comunicación e aposta polas redes sociais para informarse
Unha situación que provoca que a mocidade estea máis desinforamda.
Por Galicia Confidencial | Compostela | 28/03/2024 | Actualizada ás 20:00
A pesar de que a xeración Z está continuamente conectada, "posiblemente estean máis desinformados. Ao ser preguntados polas fontes que utilizan para estar informados, o 61% dos galegos inclínase polas redes sociais, fronte ao 36% que elixe os medios tradicionais como o xornal, medios dixitais, radio ou televisión; e un 3% declara que non lle interesa a actualidade.
Así se desprende do 'IX Informe Young Business Talents', sobre as actitudes e tendencias dos mozos preuniversitarios españois, realizado por Abanca, Esic, Herbalife e Praxes MMT. De feito, para o 94,3% dos mozos galegos é importante estar informado da actualidade de cara á súa formación, e á hora de documentarse para facer un traballo, case a totalidade dos preuniversitarios galegos (84%) busca en Internet e compara diferentes fontes; a 3,9% copia o primeiro que atopa sen contrastar a información; e unha 3,3% busca en fontes alleas a Internet.
Pero, a pesar de que a xeración Z está continuamente conectada, "posiblemente estean máis desinformados. Internet e as redes sociais ofrecen moita máis información que os medios tradicionais e iso é positivo. Con todo, esta información en ocasións é menos relevante e está máis nesgada, o que fai que sexa menos útil e poida provocar desinformación", conclúe Nuño Nogués.
