Rueda ironiza sobre os votos do BNG: "Poñerse a ver de onde veñen, non ten sentido, pero se así son felices"
Destaca que o PP sacou 80.0000 votos máis que hai catro anos. "Será de xente que confiaba en nós para seguir gobernando", asegura..
- Pontón non busca polémicas co PSdeG e centra ao BNG en "facer unha oposición útil"
- O BNG responde a Montero sobre o "voto prestado": "Non se pode atribuír mecanicamente o ascenso do BNG á perda do PSOE"
- BNG e PSdeG, como aprender das "leucións" do pasado para chegar ao goberno da Xunta
Por Galicia Confidencial | Compostela | 29/02/2024 | Actualizada ás 15:04
"Eu estou encantado con que todos estean contentos --Bloque e PSdeG-- cos apoios recibidos". Rueda deu así por finiquitado o debate aberto polo BNG sobre de onde son os votos que recibiu o pasado 18 de febreiro. Os nacionalistas insistiron nos últimos días en que parte das máis de 150.000 papeletas que recibiron eran de votantes do PP e non un "voto prestado" do PSOE, como suxeriu a ministra de Hacienda e número dous do goberno de Pedro Sánchez, María Jesús Montero, un día despois dos comicios
"Eu estou agradecido por esa suba de 80.000 votos e se os que están na oposición están contentos tamén polos que recibiron pois, eu, encantado", dixo. Con todo ironizou coas declaracións feitas por dirixentes do BNG que insisten en que o Bloque tamén pescou votos do PPdeG. "Eu non sei como saben eles iso, pero se están felices, pois nós encantados", chanceou.
Así, insistiu en que o seu partido obtivo unha contundente maioría absoluta, con 40 deputados, e case o 48% da porcentaxe de votos. "O que teño claro é que os nosos votos é de xente que confíaba en nós para seguir gobernando", dixo na rolda de prensa posterior ao Consello da Xunta. "Eu estou contento cos resultados, viñeran de onde viñeran, pero poñerse a ver de onde veñen, non ten sentido porque o voto é segredo", concluíu.
