Recuperada a conexión co petroleiro con bandeira de Palaos do que se perdera o sinal fai dous días

O venres pola tarde perdérase o sinal dun petroleiro de bandeira de Palaos fronte ás costas galegas, á altura de Costa da Morte, segundo fontes consultadas polo Galicia Confidencial. Tratábase de Neón, un tanque de petróleo crudo que foi construído no ano 1999 (fai 25 anos). Neón perdera a cobertura en varias ocasións durante a súa viaxe, iniciada fai dez días, polo que tampouco saltaron os sinais de alerta. Afortunadamente, non houbo que lamentar males maiores xa que na madrugada deste domingo volveu ter cobertura e informar da súa posición. O petroleiro saiu o pasado 28 de febreiro de Primorsk, en Rusia, e diríxese cara o Porto de Said, en Exipto.

O petroleiro Neón | Fonte: Marinetraffic