O Sergas incluirá a partir de setembro a vacina intranasal contra a gripe para nenos de 2 a 5 anos
Por Europa Press / Redacción | SANTIAGO DE COMPOSTELA | 21/03/2024 | Actualizada ás 14:37
O Servizo Galego de Saúde (Sergas) administrará a partir do mes de setembro a vacina intranasal contra a gripe aos nenos de entre 2 e 5 anos, segundo avanzou este xoves o presidente da Xunta, Alfonso Rueda.
Na rolda de prensa posterior á reunión semanal do seu Goberno, o máximo mandatario autonómico explicou que a Xunta destinará 550.000 euros a este programa co obxectivo de adquirir 30.000 dose desta vacina.
O presidente galego explicou que o Consello deu este xoves luz verde ao comezo dos trámites para incluír esta vacina no calendario infantil, nun contexto no que a Xunta foi pioneira "a nivel mundial" en introducir determinadas vacinas. Rueda explicou que esta vacina intranasal substituirá unha picada ao administrarse "directamente por onde pode estar a orixe de moitas infeccións, que é a mucosa nasal".
