Por Europa Press / Redacción | SANTIAGO DE COMPOSTELA | 09/04/2024 | Actualizada ás 10:46
A Academia Galega de Seguridade Pública (Agasp) convocou para o vindeiro xoves 25 de abril o II Xornada DFIR (Dixital Forensics Incident Response) dedicada á criminalidade, polo que xa está aberto o prazo para apuntarse ata o luns 22.
Segundo informa a Xunta, trátase dunha formación dirixida non só ás forzas e corpos de seguridade, senón tamén a persoal da xudicatura, ao Ministerio Fiscal e a outros profesionais dedicados a dar resposta ante incidentes, investigación ou análise forense de equipos informáticos. De feito, o DFIR baséase na análise forense dixital de dispositivos co obxectivo de detectar a orixe e as causas dun incidente ou fallos de seguridade, para así poder previr posibles ataques.
A xornada estruturarase en sesións teóricas e prácticas. Pola mañá, haberá conferencias sobre intelixencia artificial aplicada á ciberseguridade, regulamento, medios de pago e criptomonedas. Xa pola tarde, impartiranse talleres especializados con expertos. Todos os profesionais interesados en acudir deberán cubrir o formulario na web da Agasp.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.