Cubertas case o cento por cento das prazas de campamentos de verán da Xunta para mozos de 9 a 17 anos

A Xunta realizou este luns o sorteo de prazas nos campamentos de verán para mozos de 9 a 17 anos de idade e cubriu a práctica totalidade das devanditas prazas, segundo informou a Consellería de Cultura, Lingua e Xuventude. A administración puxo a disposición un total de 7.611 prazas para estes campamentos e 302 de intercambio con outras Comunidades Autónomas. No sorteo xeral cubríronse o 99,8% das prazas, mentres que na repartición específica de prazas de inclusión cubríronse 91 do centenar dispoñible.

As persoas adxudicatarias teñen ata o 27 de maio para achegar a documentación requirida para formalizar a adxudicación, e poderán buscar a información que necesiten na web de Xuventude. Ademais dos campamentos, a Xunta ofrece tamén para os meses de xullo, agosto e setembro diferentes actividades como camposde voluntariado en Galicia, outras Comunidades e o estranxeiro; programas de intercambio con outras Comunidades; o programa Conecta Galicia para mozos no exterior; minicampamentos; uso de instalacións xuvenís e, este ano, como novidade, actividades de lecer alternativo para maiores de 18 anos.

O total de prazas convocadas no conxunto de programa de verán é de 11.533, e é a maior oferta realizada ata agora neste tipo de actividades. Este luns, ademais, publícase no Diario Oficial de Galicia a resolución que permite o uso de instalacións da Xunta por parte de asociacións xuvenís, entidades que realicen actividades para mozas e grupos de persoas novas non asociados.

O obxectivo desta iniciativa é facilitar o acceso a estes espazos para desenvolver programas de lecer educativo e tempo libre, sen ánimo de lucro. En total ofertáronse 1.270 prazas en 11 intalaciones e adxudicáronse 870 prazas a 20 entidades solicitantes.

Sorteo das prazas de campamentos de verán da Xunta para 2024.. XUNTA DE GALICIA | Fonte: Europa Press