Naturgy actúa contra a fraude da electricidade, a gran maioría vinculada con plantacións de marihuana

A distribuidora eléctrica do grupo Naturgy, aumentou "notablemente" en 2023 a cantidade de enerxía recuperada mediante a persecución de fraudes eléctricas na súa rede en Galicia. A través dun total de 15.500 actuacións, a compañía logrou recuperar o pasado ano enerxía consumida de forma fraudulenta por un volume de 35 GWh, un 41% máis que o ano anterior. Esta cantidade é equivalente ao consumo de 11.000 fogares, apunta.

As actuacións levadas a cabo por UFD (a distribuidora eléctrica do grupo Naturgy) saldáronse coa apertura de case 3.000 expedientes por fraude en Galicia, máis do dobre que a cifra rexistrada o ano anterior. No conxunto das rexións nas que opera UFD, o ano pasado a compañía realizou máis de 44.000 actuacións contra a fraude eléctrica, que se saldaron coa apertura de máis de 12.400 expedientes. Madrid rexistrou o maior número de casos, cun total de 6.450 expedientes, seguida de Galicia (3.000), Castela-A Mancha (2.750) e Castela e León (250).

Estas actuacións permitiron, ademais, interceptar e recuperar a electricidade consumida de forma fraudulenta por 168 dispositivos indoor nas devanditas rexións, a gran maioría vinculados con plantacións de marihuana. Trátase de instalacións que consumían de forma ilegal unha cantidade anual de 5 GWh, equivalente á demanda enerxética de preto de 1.600 vivendas. Un 5% destas operacións levaron a cabo en Galicia.

Vista dunha torre de alta tensión de electricidade | Fonte: Jesús Hellín