Piden que a Fiscalía abra investigación pola aparición dunha bacteria no hospital de Vigo
O Defensor do Paciente di nunha misiva remitida á Fiscalia que a Klebsiella "é mortal en persoas con baixas defensas e isto case no 100% sucede nos hospitais, por iso a precaución debe ser máxima".
Por Galicia Confidencial | Vigo | 19/03/2016 | Actualizada ás 19:00
A presidenta do Defensor do Paciente, Carmen Flores, pediulle á fiscal xefe de Vigo, Susana García Vaqueiro, que abra de oficio unha investigación sobre a suposta aparición dunha bacteria no Hospital Álvaro Cunqueiro de Vigo que podería afectar a catro pacientes.
Dita petición ten que ver coas noticias difundidas nas que se informa de que catro persoas poderían estar illadas en dito centro sanitario ao infectarse pola bacteria Klebsiella. Unha enfermidade que, suliña, "é mortal en persoas con baixas defensas e isto case no 100% sucede nos hospitais, por iso a precaución debe ser máxima".
O Defensor do Paciente informa de que este tipo de infeccións "son propias de centros hospitalarios e evitables se se cumpren a machada de forma inescusable os protocolos establecidos por lei". detállase na misiva, a citada bacteria "é mortal en persoas con baixas defensas e isto case no 100% sucede nos hospitais, por iso a precaución debe ser máxima".
"Pola súa gravidade non temos máis remedio que solicitarlle a apertura de oficio dunha investigación de como se produciron as infeccións e en que estado está o cumprimento de protocolos de protección e a asepsia do propio centro", di a carta enviada á Fiscalía.
"No caso de non ser así, deberán responder ante a Lei por abandono de funcións pondo en risco ás persoas", engade. "Un paciente entra nun hospital para mellorar se é posible, pero nunca para morrer doutra patoloxía engadida por falta de limpeza ou outros condicionamentos evitable", conclúe a carta do Defensor do Paciente.
