Temas: CIUDADANOS ELECCIóNS

Dimiten dirixentes de Ciudadanos en Ames e A Coruña por discrepancias coa dirección

Pertencían ás xuntas directivas destas localidades e acusan a dirección de "dinamitar" as primarias coa elección do candidato por esta provincia.

Por Galicia Confidencial | A Coruña | 25/05/2016 | Actualizada ás 11:34

Oito membros das xuntas directivas de Ciudadanos en Ames e A Coruña formalizaron as súas dimisións por discrepancias co partido en relación á elección do cabeza de lista por esta provincia para as eleccións xerais de xuño, tras a substitución de Antonio Rodríguez -- candidato nos comicios de decembro-- por José Canedo, segundo informa Europa Press.

Javier López, coordinador da agrupación de Ames, confirmou que, tras unha reunión celebrada coas bases do partido a última hora deste martes, os tres membros que conformaban a xunta directiva decidiron presentar a súa dimisión, aínda que se manteñen como afiliados.

A mesma decisión adoptaron cinco dos sete membros da xunta directiva da Coruña. En concreto, dimitiron Patricia Pertierra Castaño, coordinadora e voceiro; José Manuel Macho Gómez, secretario-tesoureiro; Víctor Pedreira Romar, responsable de comunicación; José María Pérez Fafián, responsable de política municipal; e Alejandro Almau Taboada, responsable de cidadanía e relacións con asociacións e entidades.

Primarias

Agora, o partido deberá designar unha xestora ou convocar eleccións á xunta directiva nestas agrupacións. No caso de Ames, Javier López, que é tamén concelleiro neste concello, indicou que presentan a dimisión por entender que o partido "dinamitou as primarias, que é o noso ADN".

Non obstante, aclara que a súa postura non é polo cambio de nomes no cabeza de lista e vincula a decisión polo feito de que non se respectase a decisión das primarias. Mentres, ratifica que seguirán como afiliados, aínda que non descarta a posible marcha dalgúns deles nesta agrupación polo malestar que, segundo apunta, existe.

Na Coruña, os cinco membros da xunta directiva que presentaron a súa dimisión criticaron, a través dun comunicado, a designación "a dedo" do cabeza de lista. Desta decisión, aseguran que "é contraria aos principios" de Ciudadanos como partido.

Críticas á dirección

"Non podemos en conciencia dar o mellor de nós mesmos en apoio desta candidatura nin pedir aos nosos afiliados e simpatizantes un esforzo na campaña ao que nós mesmos non estamos dispostos", engaden.

Por outra banda, denuncian sufrir "unha enorme cantidade de trabas" dende a organización territorial de Ciudadanos para o desempeño das súas funcións. "A recente destitución de noso responsable de redes sociais, Juan José Loureiro, e o secuestro do correo e a intranet da agrupación, impedíndonos a comunicación cos nosos propios afiliados, fan a situación totalmente insostible", engaden.

"Por todo isto, a única saída que nos permite conservar a lealdade ao partido, pero moi especialmente, aos principios que nos trouxeron a el é dimitir", recalcan. Con todo, din que seguen crendo en Ciudadanos "e no proxecto de rexeneración democrática que representa".

Por iso motivo, confirman que se manterán como afiliados. Mentres, dende a dirección do partido en Galicia non se quixeron pronunciar sobre a decisión adoptada por os ata agora membros destas xuntas directivas.

Temas: CIUDADANOS ELECCIóNS

3 anonimo

O AVE galego ou o corredor mediterraneo, ¿cal destas obras hai que defender e priorizar?. Eu como galega penso que o AVE galego, mais non sei que opina un catalan. Por iso penso que os galegos temos que apoiar forzas politicas galegas, pois non van vir forzas politicas madrileñas ou catalanas defender os nosos intereses.

1 nostrus

Eso que propones es un arma de doble filo porque si una fuerza politica enteramente gallega consigue los votos necesarios para tener la llave puede funcionar, pero si sus votos no son necesarios quedamos condenados al oscurantismo por no tener aliados. Mejor el entendimiento que el chantaje y un pais compuesto solo de intereses egoistas esta condenado al estancamiento y es antiprogresista.

2 anonimo

Perdoa pero todos (vascos, catalans, madrileños, andaluces, valencianos,etc) defenden os seus intereses sexan independentistas ou non. E para Galiza non é o mesmo contar con infraestructuras que nos conecten co resto da península para atraer turismo e inversión a non contar. E senon soamente hai que ver coma catalans e valencianos (independentistas e españolistas) piden o corredor mediterraneo. Xa me gustaría a min a mesma unidade dos galegos para defender os nosos intereses: infraestructuras, lingua, a pesca e o sector lácteo, o naval, a financiación, etc. E ten por seguro que si hoxe Galiza pinta pouco si non contase con forzas políticas propias ou se estivesemos nun estado centralista non contariamos absolutamente nada a diferenza de Madrid, Catalunya, Euskadi e Andalucia (esta ultima pola poboacion).

2 De onde sairon estes?

o que non entendo é quen son eses en Ames e A Crunha trabalhando para o nacionalismo espanhol. Que clase de galegos son?

1 Farto de Mentiras

Eu deixei o partido en canto saíu a nova de que cambiaran ao candidato con argumentos realmente pobres, para poñer ao trepa de Canedo que coa súa cuadrilla goberna o partido en Galicia. Mal asunto para un partido que esixe aos outros que teñan democracia interna e sistema de primarias para evitar dedazos, pártome da risa. Vergoña e carraxe desta xente que resulta premiada cando só obtiveron fracasos nas súas citas electorais, Canedo xa con UPyD e logo co seu paladín en Santiago, tamén posto a dedo, que non gustou nada perdendo un concellerio que daban por seguro tódalas quinielas, dende logo pouca visión teñen en BCN. En fin...

1 Mandianes

Entón hai pelis ou non? Por Sada hai moitos que por 20 euros e un bocata se deixan retratar...Preguntádelle a Moncho, o historiador. Para cándo ese proxecto industrial para Galiza?