(Vídeo) Detidos tres homes en Oroso polo roubo de máis de 1.400 quilos de cobre de cable telefónico

A desmantelación da rede de roubo de cable telefónico en Oroso foi levada a cabo pola Garda Civil. No marco da "Operación Blackcupru", o equipo Roca de Santiago realizou esta actuación que se saldou coas detencións por delitos de roubo con forza. A intervención tivo lugar na parroquia de Deixebre, no termo municipal de Oroso, tras unha investigación iniciada o pasado 29 de maio por mor da alerta de varios veciños do lugar de Vilar de Abaixo, quen avisaron da presenza sospeitosa de tres individuos merodeando xunto a unha liña de tendido telefónico rural.

Ao día seguinte, constatouse a falta de cableado nun tramo de rede, así como a localización de dous grandes apilamentos de cable seccionado, de aproximadamente 2.000 metros lineais, ocultos entre a vexetación.

Ante estes feitos, os axentes activaron un dispositivo de vixilancia e seguimento que permitiu confirmar a actividade delituosa durante a madrugada do 30 de maio, cando tres individuos foron sorprendidos manipulando o cable subtraído "nunha actuación claramente coordinada". Ao decatarse da proximidade de medios de seguridade, emprenderon a fuxida a pé e dirixíronse cara dous vehículos que esperaban nas inmediacións.

Finalmente, un operativo despregado no centro urbano de Sigüeiro permitiu interceptar ambos vehículos, polo que se procedeu á detención in situ dos tres ocupantes, cuxas características físicas e vestimenta coincidían plenamente coas gravacións obtidas.

BANDA DESARTICULADA

Dentro desta operación, a  Garda Civil desarticulou unha organización criminal dedicada ao roubo de cable de cobre por distintos puntos da xeografía española, incluída a provincia da Coruña. Foron detidas 19 persoas e investigadas outras 23 por supostos delitos contra o patrimonio por roubos con forza e receptación, así como delitos contra o medio ambiente.

Desta forma, lográronse esclarecer 34 roubos de cableado de cobre cometidos nas provincias Xaén, Valladolid, A Coruña, Zamora, Ávila, Segovia, Zaragoza, Soria e León. Ademais, recuperáronse 8.200 quilos de cobre substraído.

 

 

 

 

Ver esta publicación en Instagram

 

 

 

 

 

 

 

 

 

 

 

Una publicación compartida de Galicia Confidencial (@galicia_confidencial)

C