Vigo, Santiago e outras cidades mobilizaranse polo dereito infantil á desconexión dixital

Varias localidades galegas mobilizaranse polo dereito infantil á desconexión dixital. A manifestación convocada para este sábado, 7 de xuño, ás 11:00 horas, atende á defensa dos dereitos dos menores a crecer nunha contorna respectuosa co seu desenvolvemento, sen que a dixitalización interfira constantemente nas súas vidas, dentro e fóra das aulas.

Unha quincena de organizacións están chamadas a saír ás rúas de cidades como Guadalaxara, Huesca, Madrid, Málaga, Menorca, Xixón, Santiago de Compostela (cunha mesa informativa na Praza do Toural), Sevilla, Valladolid, Vigo (cunha mesa informativa en Príncipe) e Zaragoza.

Entre as reclamacións atópanse: liberar a menores de idade das redes sociais; regular a idade de acceso ao teléfono intelixente; implementar unha desescalada dixital nas aulas en todas as etapas; limitar o tempo de pantallas en menores atendendo aos consellos pediátricos; e actualizar a formación a todos os axentes implicados sobre os riscos coñecidos da dixitalización precoz.