Sogaps fai un chamamento á acollida de menores saharauís no verán

A asociación Solidariedade Galega co Pobo Saharauí (Sogaps) fixo un chamamento de última hora para que 20 nenos e nenas dos campamentos de refuxiados do Sahara Occidental pasen o verán en Galicia. Segundo informa, a entidade quere traer 300 menores para que "un ano máis poidan evitar as altas temperaturas que se viven nos campamentos nestas datas, recibir atención sanitaria e unha boa alimentación".

Así, apelan á sociedade galega para que se unan a esta iniciativa que leva 30 anos axudando ás familias saharauís que viven nos campamentos de refuxiados de Tinduf (Alxeria) desde que Marrocos invadiu o Sáhara Occidental no ano 1975. A través do programa Vacacións en Paz, nenos de entre 8 e 12 anos pasan dous meses de convivencia na súa casa acolledora, "coa posibilidade de repetir experiencia durante tres ou catro veráns", concreta a asociación.

O presidente da Xunta, Alfonso Rueda, recibe aos nenos saharauís acollidos en Galicia durante este verán. XUNTA | Fonte: Europa Press