Extinguido o primeiro gran lume do verán que arrasou case 40 hectáreas

O incendio iniciado na tarde do pasado martes no municipio ourensán da Mezquita, parroquia de Chaguazoso, quedou extinguido ás 23,17 horas do xoves tras arrasar 38,6 hectáreas.

Segundo informa a Consellería do Medio Rural nun comunicado este venres, para a extinción do lume traballaron sete avións, cinco helicópteros, 16 motobombas, unha pa, 21 brigadas, 12 axentes e tres técnicos. Do total de superficie queimada, 20,6 hectáreas correspóndense con monte raso e as 18 hectáreas restantes son de arboledo.

Un avión de extinción de incendios | Fonte: César Arxina - Arquivo