A vivenda, a alimentación, as medicinas e a ensinanza, o que máis creceu no verán
O IPC subiu en Galicia ata o 2,5% en agosto, coa vivenda encarecéndose un 5,8%.
Por Europa Press / Redacción | SANTIAGO DE COMPOSTELA | 12/09/2025 | Actualizada ás 10:49
O Índice de Prezos de Consumo (IPC) subiu 0,2 puntos entre xullo e agosto, ata situar a súa taxa interanual no 2,5%, segundo datos publicados este venres polo Instituto Nacional de Estatística (INE), recollidos por Europa press.
Desta maneira, queda dúas décimas por baixo da media estatal, xa que no total de España os prezos subiron un 2,7% nos últimos 12 meses. En concreto, os alimentos e bebidas non alcohólicas encarecéronse en Galicia un 2,1% desde agosto de 2024, mentres que as bebidas alcohólicas e o tabaco subiron un 4%.
O vestido e o calzado aumentaron de prezo un 1,4%, mentres que a vivenda fixo o propio un 5,8% e o enxoval, un 0,8%. As medicinas (+2,6%), o transporte (+1%), as comunicacións (+0,8%), o lecer e a cultura (+0,6%) e a ensinanza (+2,5%) tamén subiron, do mesmo xeito que os hoteis, cafés e restaurantes (+4,4%).
DATOS ESTATAIS
A nivel nacional, o IPC mantivo a súa taxa interanual en agosto no 2,7%, grazas a que o comportamento dos prezos dos alimentos e da electricidade compensou o dos carburantes, segundo os datos definitivos publicados este venres polo Instituto Nacional de Estatística (INE), que coinciden cos avanzados a finais do mes pasado.
