Alerta en Vilaboa pola actuación dun suposto estafador

O Concello de Vilaboa emitiu unha alerta en Facebook, o luns pola noite, sobre a actividade dun presunto estafador que actúa pola zona do municipio pontevedrés. Concretamente, a Garda Civil confirmou este martes que ten constancia dunha denuncia presentada por un home que alega ser vítima da estafa.

Segundo o relato, o presunto estafador enganou ao home dicindolle que era estranxeiro e que non coñecía a moeda do país. Cando a vítima lle ensinou un billete de 50 euros, o outro home quedou co diñeiro. Ademais desta incidencia, o alcalde de Vilaboa, Cesar Poza, informou que non houbo máis denuncias.

Por iso, o concello publicou unha alerta na súa páxina na rede social detallando as características do presunto estafador: usa unha camiseta hawaiana, ten uns 40 anos, de pelo moreno peiteado cara atrás e posible orixe suramericana. A publicación do Concello de Vilaboa, ata este martes pola tarde, sumaba máis de 200 veces compartidas, e algúns comentarios indicaban ver ao presunto estafador por rúas do municipio.

Axentes da Policía Local | Fonte: POLICÍA LOCAL