Nova repotenciación dun parque eólico en Galicia: Somozas pasará de 81 a 10 aeroxeradores
A Xunta declara a utilidade pública das instalacións do parque eólico Somozas, que promove Enerxías Ambientais de Somozas (sociedade participada nun 3 % polo Inega e o 97 % restante de Naturgy), e que, finalmente, pasará de 81 a 10 aeroxeradores.
Por Europa Press / Redacción | SANTIAGO DE COMPOSTELA | 08/10/2025 | Actualizada ás 13:08
A Xunta declara a utilidade pública das instalacións do parque eólico Somozas, que promove Enerxías Ambientais de Somozas (sociedade participada nun 3% polo Inega e o 97% restante de Naturgy), e que pasará de 81 a nove aeroxeradores. Esta declaración leva implícita a necesidade de ocupación dos bens ou de adquisición dos dereitos afectados e implica a urxente ocupación en relación cunha serie de parcelas.
En xullo de 2020, Enerxías Ambientais de Somozas presentou a solicitude de autorización administrativa previa, autorización administrativa de construción e aprobación do proxecto sectorial para a modificación substancial do parque.
Esta modificación, segundo recolle o Diario Oficial de Galicia (DOG) este mércores, consiste, con carácter xeral, na retirada das actuais infraestruturas (81 aeroxeradores) e na instalación de novas máquinas e infraestruturas de conexión entre elas, de forma que se reduce o número a nove unidades, de maiores dimensións e potencia unitaria que os actuais, mantendo a mesma potencia evacuable do parque eólico.
A resolución é da Dirección Xeral de Enerxías Renovables e Cambio Climático e contra ela poderase interpor recurso de alzada ante a conselleira de Medio Ambiente e Cambio Climático, no prazo dun mes contado a partir do día seguinte ao da súa notificación.
