SANTIAGO DE COMPOSTELA | 05/07/2016 | Actualizada ás 19:50 por EUROPA PRESS
O Consello de Goberno da Universidade de Santiago de Compostela (USC) aprobou a creación de catro prazas de promoción interna para o corpo de catedráticos da institución académica.
A proposta supón unha dotación inicial de 163.856 euros, a razón de 40.964 euros por praza. A fórmula de OPE de promoción interna tras a modificación da Lei orgánica de Universidades abre a posibilidade de que esta non consuma taxa de reposición.
A USC indicou que este proceso implica "un importante esforzo económico", dado que as novas prazas "teñen que dotarse necesariamente pola totalidade do importe anual". Por iso, este escenario "condiciona enormemente" a política de promoción da institución, que require dispoñer dos recursos suficientes, tendo en conta, ademais, que ao praza "pode ocupala definitivamente profesorado" doutra universidade.
Dende o colectivo de acreditados a cátedra, non obstante, recibiron a noticia con "decepción" ante unha cifra que cualifican de "ridícula" e que converte á USC "nunha anomalía no panorama das universidades estatais" respecto ao recoñecemento do esforzo do seu persoal docente e investigador.
Neste sentido, recordan a "relevancia" que ten para a institución contar cun profesorado "competitivo" que alcanzou "recoñecemento do máximo nivel académico".