Un experto rexeita a mediación como un "sistema de alivio" da Xustiza e defende que sexan en "condicións adecuadas"

O experto en mediación Bernardino Varela Gómez destacou este mércores as vantaxes dese proceso, que rexeita ver como un "sistema de alivio" da Administración de Xustiza e aposta por realizar en "condicións axeitadas".

Nun almorzo informativo organizado pola Asociación da Prensa de A Coruña (APC), Varela Gómez, maxistrado da Audiencia Provincial de A Coruña e profesor titular de Dereito Procesual na USC e coordinador do curso sobre análise e resolución de conflitos, dixo que os procesos de mediación están máis avanzados en asuntos civís.

Non obstante, considerou que eses procesos de mediación deben estenderse a cuestións penais e mesmo ao ámbito contencioso-administrativo.

"A mediación pode producir o seu beneficio en todo tipo de delitos. O límite poñémolo nós. O que hai que asegurar é que a mediación se leva a cabo nunhas condicións axeitadas e que os implicados estean nunha situación de igualdade", afirmou.

Na súa opinión, o método "non pode ser concibido como un sistema de alivio da Administración de xustiza" porque é necesario "pensar máis alá, non solo no castigo do culpable senón na reparación das vítimas e a reinserción do autor,", dixo,

No almorzo tamén participou Cristina Torrado, psicóloga e tamén coordinadora do curso, que sinalou que a mediación é o "método alternativo ou complementario de resolución de controversias" no que unha persoa "allea intervén dende unha postura imparcial e neutral".