Gómez Noya participará o martes nun encontro con mozos en Pontevedra

O vindeiro martes 25 de outubro o pentacampeón do mundo de tríatlon, Javier Gómez Noya, será o protagonista dun encontro con mozos organizado por Caser no Auditorio do Pazo de Cultura de Pontevedra.

Segundo informa a organización, o encontro, que terá lugar ás 12,00 horas, forma parte da campaña 'Corazón de Campións', coa que a aseguradora quere transmitir o apoio dos afeccionados a diferentes atletas españois.

Así, Gómez Noya contestará as preguntas dos novos estudantes sobre a súa volta á competición tras a lesión que lle impediu asistir aos Xogos Olímpicos de Río e falaralles sobre a importancia de valores do deporte como a perseveranza, "un valor que a el lle levou a cultivar grandes triunfos", segundo destaca Caser.

O deportista galego, ademais de ser o único quíntuplo campión mundial de tríatlon da historia, acaba de ser galardoado co Premio Princesa de Asturias dos Deportes.