Galaxia edita un libro para explicar aos máis pequenos a tradición de 'O noso Samaín'

A editorial Galaxia sacou á venda o álbum ilustrado 'O noso Samaín', de Loretta Birott, para explicar aos máis pequenos a tradición galega do Samaín en contraposición coa celebración do Halloween.

O libro, ilustrado por Nuria Valdeón, traslada aos nenos a tradición galega vinculada co nacemento do outono e as crenzas "milenarias" que sustentan a tradición do Samaín.

Para a autora e a editorial é "crucial" que os máis pequenos saiban que a tradición de contacto entre vivos e mortos "é tamén galega", que se coñece como Samaín e que "se celebra en Galicia dende sempre".