En Marea mudará o seu logo despois do requirimento de Mahou
En Marea atenderá a petición da cerveceira e cambiará o seu logotipo para que ninguén poida pensar que a Mahou non é unha cervexa.
Por GcToday | Santiago de Compostela | 06/11/2016 | Actualizada ás 10:00
A empresa Mahou-San Miguel enviou unha misiva á formación galega na que argumentaba que “Es obvia la confusión que se ha generado entre la imagen gráfica de su formación política y la imagen identificativa de Mahou San Miguel y de la Fundación Mahou”.
A formación que lidera Luis Villares aínda non comunicou oficialmente ningunha postura pero fontes confidenciais consultadas polo noso xornal indican que “nun principio estabamos dispostos a resarcilos cambiando o noso nome. Pasaríamos así a ser ‘En Mahourea’ pero a idea non callou”. Segundo comentan estiveron valorando moitas posibilidades e, ao final decidiron cambiar o logo de En Marea xa que, segundo indicaron, “Non queremos que ninguén se confunda e vaia a pensar que Mahou non é unha cervexa”, indican.
As mesmas fontes indicaron que a nova marca corporativa do partido instrumental será completamnete orixinal e “non terá nada que ver con ningunha cervexa española”.
Grazas ao traballo de investigación dos nosos reporteiros podemos avanzar, en exclusiva, o novo logo que utilizará En Marea e que será estrenado no debate de investidura de Feijoo na primeira quincena de novembro.
