Por E.P. | LUGO | 14/11/2016 | Actualizada ás 14:24
O alcalde de Chantada (Lugo), Manuel Varela -Independentes das Terras de Asma (INTA)-, afirmou este luns que se "estudará" a proposta de impulsar candidaturas independentes na provincia de Lugo de cara ás municipais de 2019.
Unha posiblidad que deixou aberta a pasada semana o exalcalde de Monterroso, Jesús Otero, que concurrío baixo esa mesma candidatura (INTA) o pasado ano e que conseguiu unha folgada maioría no devandito concello, aínda que a comezos deste mes se viu obrigado a deixar a alcaldía para cumprir unha sentenza de inhabilitación dun ano a raíz dunha operación sobre retirada irregular de multas de tráfico cando era subdelegado do goberno na etapa do PSOE de Zapatero.
"O das candidaturas independentes non nos colle por sorpresa, levamos dende 2012 e esta é a segunda lexislatura", asegurou o rexedor chantadino. "Se hai xente que se anima habería que falalo e velo e ver qué posibilidades de éxito pode ter como tivemos aquí en Chantada e en Monterroso. Sería cuestión de estudalo", manifestou.
Un dos alcaldes que se baralla incorporar a esta candidatura é o de Becerreá (Lugo), Manuel Martínez, apartado do grupo socialista na Deputación lucense e que se atopa suspendido "cautelarmente" de militancia no PSOE.
Varela confesou que a relación con Martínez lle vén "dende neno", e así suliñou que "se está decidido a seguir por este camiño non habería problema ningún en presentar candidatura" independente nese Concello da bisbarra da Montaña.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.