Abanca comezará a vindeira semana a rehabilitación do mural do Lugrís

A entidade financeira Abanca abriu este venres ao público a entrada á súa oficina principal na Coruña, pola rúa Olmos, onde xa finalizou a instalación do mural de Lugrís 'Vista da Coruña 1669' "co fin de restauralo e permitir que toda a sociedade poida gozalo", sinala.

Nun comunicado, explica que a próxima semana comezarán os traballos de rehabilitación da obra, que realizará a empresa Arteca "e que poderán ser contemplados por todas as persoas interesadas no proceso".

Así, indica que estes traballos se levarán a cabo durante o horario de apertura o público da oficina, que a próxima semana será de 8,15 a 14,15 horas e a partir do 9 de xaneiro de 8,15 a 14,15 e de 16,30 a 19,00 horas.