Santiago de Compostela | 11/01/2017 | Actualizada ás 18:39 por EUROPA PRESS
O libro 'O mundo árabo-islámico como elas nolo contaron', escrito por Carmen V. Valiña (Baio, A Coruña, 1985), narra o traballo que as enviadas especiais de TVE realizaron sobre un puñado dos principais acontecementos acaecidos en Oriente Medio e o Norte de África durante o período da España democrática.
Con testemuños persoais incluídos, a obra analiza o traballo de Almudena Ariza, Érika Reija, Esther Vázquez, Letizia Ortiz, Llúcia Oliva e Rosa María Calaf, entre outras xornalistas.
'O mundo árabo-islámico como elas nolo contaron. As xornalistas de TVE en Oriente Medio e Norte de África: catro décadas de muller e información', editado por Clave Intelectual, constitúe "un relato de mulleres xornalistas sobre mulleres árabes e musulmás que estudan, traballan, loitan. En definitiva, que existen".
A autora, licenciada en Periodismo e Humanidades e Doutora en Historia Contemporánea, ademais de creadora de Periféricas, unha escola online de feminismos alternativos, presentará o libro o xoves 19 de xaneiro, a partir das 19.00 horas, na libraría Rafael Alberti.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.