A 42º Festa do Queixo vai collendo velocidade
O primeiro dos grandes eventos do ano de festivais en Galicia toma impulso. A Festa do Queixo de Arzúa anunciou xa quen lerá o pregón, o cartel deste ano e a banda gañadora do concurso 9º Queixo Maquetón.
Por GC Tendencias | Arzúa | 25/01/2017 | Actualizada ás 11:40
A famosa actriz galega María Castro será a pregoeira en Arzúa. A artista viguesa lerá o pregón o próximo sábado 4 de marzo a partir das 12 horas. Con todo, a Festa comezará xa o venres 3 de marzo.
O seu primeiro gran traballo foi o papel de Paula Barreiro na exitosa serie de Pratos combinados da TVG. Dende aquela converteuse en habitual na pequena pantalla. Aída, O Códice Calixtino, SMS, sono algunhas das series nas que apareceu Castro, que ten un premio Ondas.
No referido ao cartel musical, polo de agora só se sbae o nome dos gañadores do 9º Queixo Maquetón. Será a banda onubense “DelBosque”, cun son que oscila entre o space rock, o noise e o pop-rock dos 90. e Los Planetas ou El Hombre Burbuja a Yo La Tengo, Sonic Youth, Luna, Spiritualized ou Radiohead son algunha das súas referencias.
O cartel estará baseado nunha obra titulada “Rural” de Rubén Lucas García (Torreaguera, Murcia). O xurado escolleuna en decembro entre un total de 52 propostas desde as catro provincias galegas, do resto do Estado.
