Por Galicia Confidencial | Santiago de Compostela | 16/05/2017 | Actualizada ás 22:12
De feito, durante a manifestación e no acto final recolleranse sinaturas de apoio á Iniciativa Lexislativa Parlamentar para a garantía dos dereitos lingüísticos no ámbito socioeconómico, que leva meses promovendo a Mesa pola Normalización Lingüística.
No que é referido a organización da marcha, a saída da manifestación está prevista para as 12:00h desde a Alameda e chegará até a Praza da Quintana arredor das 12:30 horas.
A duración prevista do acto é de 40 minutos
O acto na Praza da Quintana, que durará algo máis de media hora, será conducido pola actriz Isabel Risco. Está prevista a actuación dos regueifeiros Bieito Lobariñas e Josiño da Teixeira. Actuará tamén a cantora Belén Tajes e a interpretación final do himno galego decorrerá a cargo dos gaiteiros Antilomce.
O acto será protagonizado por persoas representativas de diferentes sectores onde existen evidentes limites para empregar o galego con toda normalidade: o actor e director de dobraxe Miguel Pernas, a estudante Karina Pereira Rei, a avogada Guadalupe Vidal, a Membro do Comité de empresa de Eurocen Patricia Cordo e o profesor de matemáticas Cibrán Arxibai.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.