Por ENGALIZA | GC ABERTO | 31/07/2017
Por Oswaldo Pacheco*
O chavismo empregou unha fraseoloxía seudo-revolucionaria para embaucar a todo un pobo que aspiraba a cambios profundos, aínda hoxe, a pesar do evidente fracaso deste proxecto fraudulento do “Socialismo do Século XXI”, que é corrupto, esfameador e represivo, hai grupos da esquerda que apoian abertamente ao goberno de Maduro, outros que non o avalan, pero non se atreven a dicir “fóra Maduro”, supostamente porque as mobilizacións, que son cada vez máis contundentes en rexeitamento ao goberno, son dirixidas, segundo eles, pola dereita e o imperialismo. Obvian a un pobo que está nas rúas loitando e dando a vida por saír deste pesadelo. Estes grupos, falan de construír unha alternativa política dos traballadores e do pobo, independente da MUD e do PSUV-Goberno, pero ao non participar da grande rebelión que está en marcha, déixanlle o camiño libre ás direccións da MUD e do PSUV, coma se fora posible construír unha alternativa revolucionaria a control remoto, afastados do pobo e os traballadores que están na loita.
Co seu discurso confunden e desmobilizan aos sectores máis fortemente implicado, e desde a comodidade das súas casas dedican liñas e liñas para criticar -falseando a realidade- aos que estamos na rúa tratando de fundirnos cun pobo que pide a saída de Maduro e da súa constituínte fraudulenta e antidemocrática. Non hai xeito de construír unha alternativa revolucionaria dos traballadores e do pobo en loita, se non se está na rúa sendo parte desta rebelión, é a única forma de gañarse a dirección política do movemento ou a vontade dun número importante de loitadores, e aspirar xunto a eles a construír esa alternativa para loitar polo verdadeiro socialismo e un goberno dos traballadores e do pobo.
*Oswaldo Pacheco, preso político e militante do Partido Socialismo y Libertad de Venezuela
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.