O informe sobre Zara que a prensa galega e española obviou

Inditex, matriz de Zara, responde, en declaracións a GC, ao informe “Moda sucia” dunha ONG internacional que denuncia a contaminación provocada por catro dos seus provedores de viscosa.

Por Manuel Vilas | A Coruña | 18/08/2017 | Actualizada ás 08:00

Comparte esta noticia

A Fundación Changing Markets publicou este verán un duro informe sobre o impacto ambiental da industria téxtil. “Algunhas das marcas de moda máis importantes no mundo, incluíndo a sueca H&M e a española Inditex/Zara, están a mercar viscosa procedente de fábricas moi contaminantes”, di a nota de prensa que resume o detallado informe titulado “Moda sucia”. 

Os tres fillos de Kallu Singh, un agricultor de soia que vive preto da fábrica de viscosa proveedora de Zara Inditex de Aditya Birla, en Nagda, mostran signos de deterioración mental e físico con idades que van dos dez aos doce anos. A familia culpa diso á auga (Changing Markets).
Os tres fillos de Kallu Singh, un agricultor de soia que vive preto da fábrica de viscosa proveedora de Zara Inditex de Aditya Birla, en Nagda, mostran signos de deterioración mental e físico con idades que van dos dez aos doce anos. A familia culpa diso á auga (Changing Markets).

GC cuestionou a Inditex sobre este documento. A empresa de Amancio Ortega relativiza o seu protagonismo, afirma que deu xa pasos para solventar a cuestión e presume de ser a industria téxtil máis transparente do sector.

Aumento dos casos de cancro

Con todo, a galega é canda H&M, a máis sinalada polas crítcas da ONG: “H&M merca directamente de sete das industrias contaminantes investigadas e Zara/Inditex de catro delas”, salienta a nota de prensa de resume. Changing Markets admite que estas dúas compañías e outras marcas xa se comprometeron a usar fórmulas máis sustentábeis, pero denuncia que a día de hoxe “a produción de viscosa non se controla, recibindo escasa supervisión por parte dos comercializadores”. 

As malas prácticas ambientais dos produtores teñen consecuencias directas na saúde dos veciños. De acordo ao informe, hai "evidencias claras de que os fabricantes de viscosa están evacuando augas sen tratar, que contamina lagos e ríos locais". Esta contaminación é sospeitosa de "estar detrás dunha suba da mortaldade por cáncer e de feito algunhas familias locais pararon de beber auga das zonas afectadas polas fábricas por medo ao efecto na súa saúde, especialmente entre os nenos". 

Desague preto dunha fábrica de Sateri en China, un dos proveedore de Zara Inditex
Desague preto dunha fábrica de Sateri en China, un dos proveedore de Zara Inditex | Fonte: Changing Markets

Inditex dá explicacións

En conversa con GC, dende Inditex explícase que en 2014 botaron a andar unha iniciativa, bautizada Canopy, canda outro cento de marcas, para “atopar as vías máis ecoeficientes na fabricación de viscosa” e protexer os bosques en perigo. A industria de Arteixo asegura que se está a vixiar aos 10 grandes produtores de viscosa para garantir “que todas as fontes de materia prima proveñen de madeira sostible certificada a través de Rain Forest Alliance e que usan procesos sostibles na súa cadea de produción”. 

A industria téxtil explica que os “seus provedores deben cumprir con estes requirimentos”. Tamén promete que antes de 2018 publicará o listado deses provedores e se están a cumprir cos controis establecidos a través de Canopy. A cuestión é que de acordo a “Moda suxa”, ningún dos seus provedores asiáticos están a cumprir.

A ONG admite que a viscosa por si mesa non ten porque ser unha mala opción, agora ben, todo depende de como se produza. “Como unha fibra de orixe vexetal, a viscosa é a miúdo presentada aos consumidores como unha alternativa verde; pero este informe mostra que a viscosa nos mercados hoxe en día está producida a través de procesos con moitos químicos”, argumenta.

Aplausos por certa transparencia de Inditex

Changing Markets aplaude a Inditex, e tamén a H&M, por seren transparente ao proporcionar información sobre os provedores, en China e na India. As fábricas chinesas serían a Nanjing NCFC, Fulida, Sateri, Shandong Helong, Shandong Yamei, Xinxiang Bailu, Jiangsu Xiangsheng, Aoyan Technology e o proveedor indio Aditya Birla.

Máis transparente que moitas competidoras, pero non de todo, dado que “Inditex proporcionou unha lista dos provedores e onde están baseados, pero non especificou cales das súas fábricas producen para eles”. 

A ONG tamén admite que Inditex está a aumentar moito o uso de fibras sostibles, especialmente unha chamada Lyocell, da que é o maior consumidor no mundo. 

Silencio mediático total nas grandes cabeceiras galegas

 

O citado documento acaparou bastante atención a nivel internacional, fíxose eco por exemplo BBC World News. O resto de medios británicos importantes (por exemplo The Guardian e The Independent) tamén informaron sobre o tema. 

 

No Estado Español, os grandes medios non lle deron difusión algunha. A penas houbo algunha mención nalgunhas cabeceiras da Internet, como Público, ou portais, como Yahoo

 

En Galicia, país onde naceu Inditex e onde mantén a súa base de operacións, ningún dos grandes medios de comunicación abordou o informe até o de agora. 

Amancio Ortega, propietario de Inditex
Amancio Ortega, propietario de Inditex
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 5 comentarios

2 anonimo

tK

1 Gamela

como sigamos a facernos o Harakiri non imos ir moi lonxe...? sabemos que as marcas de medio mundo empregan proveedores contaminantes, coñecemos que o cambio climático avanza pero cada día hai máis xente nova mercando coches e ghastando autopista !!! Demonizar a Inditex/Zara non vai mellorar esta situación máis alá do que é evidente: TODOS CONTAMINAMOS sen misericordia e pedirlle máis transparencia a Inditex que a ACUAES non ten moito sentido https://flic.kr/p/QpAGAj

1 Nacho

Bo xeito de ser conformista coa realidade que nos envolve! Como todos o fan, mellor que sexa "galego" e non de fóra. A cuestión da contaminación e das súas consecuencias como diría algún "liberal" son danos colaterais!

2 Xaerahora

Totalmente de acordo penso q esta ben a información pero debemos ser nos os que non precisamos mercar tanta roupa nin tanto de todo pa logo encher caixas. E caixas

3 Gamela

Nacho, se seguimos metendo o dedo no ollo igual quedamos cegos... Repito, a información é boa, a denuncia tamén, pero o ensañamento cunha empresa e máis concretamente cunha persoa (Amancio Ortega!) é ridículo nesta economía global da que TODOS participamos !!! Ou acaso aceptarías mellor un traballo en Bielorrusia (ben pagado, perfil de alto executivo...) para logo dicir que tivestes que emigrar porque en Galicia só quedan camareiros ? http://www.galiciaconfidencial.com/... Sentidiño pouco, pero que dure... se pode ser!