O PPdeG valora que Galicia "axuda a mellorar os datos do paro do Estado"

O secretario xeral do PPdeG, Miguel Tellado, valora que Galicia "axuda a mellorar os datos de paro do Estado cunha nova baixada no número de desempregados".

Respecto diso, Tellado remarca que a Comunidade sexa a terceira na que máis cae o paro intermensual, á vez que é a que máis incrementa a afiliación.

"Encadeamos catro anos consecutivos de caída na evolución anual nun mes de agosto, nos que case un de cada tres parados abandonaron as listas de paro", sostén.

Tamén apunta que "o ritmo de subida dos salarios medios galegos no últimos oito anos resulta superior á media do conxunto do Estado".

"Aínda que queda moito traballo por facer, podemos afirmar que o mercado laboral segue mellorando en Galicia mes a mes e de forma consecutiva desde principios de ano", sinala Tellado.