VIGO | 03/10/2017 | Actualizada ás 15:49 por EUROPA PRESS
O Xulgado de Violencia sobre a Muller de Vigo decretou prisión provisional, comunicada e sen fianza por un delito continuado de quebrantamento de orde xudicial para o home detido este domingo por terceira vez nos últimos días por vulnerar unha orde de afastamento e ameazar ou agredir a súa exparella.
Así o comunicaron fontes do Tribunal Superior de Xustiza de Galicia (TSXG), despois de que o home, de 49 anos de idade e que responde as iniciais A.F.A., for a posto a disposición xudicial na mañá deste martes.
O home foi arrestado o pasado domingo, cando axentes do Equipo de Vixilancia e Apoio Policía (EVAP) da Policía Local, encargados de protexer a vítimas de violencia de xénero, tiveron coñecemento de que unha muller veciña da rúa Aragón estaba en situación de risco, por terceira vez no últimos tres días.
Así, o pasado xoves o home xa fora detido tras vulnerar unha orde de afastamento e presentarse na vivenda da súa exparella, á que ameazou e zarandeou. Aínda que abandonou o domicilio, volveu acudir á vivenda máis tarde e chegou a ocultarse no interior do armario dun dormitorio, tapado cunha manta, onde foi sorprendido polos efectivos policiais.
Dous días despois, a Policía volveu detelo, unha vez que o sorprenderon escondido na terraza do edificio da súa exparella. Os axentes estableceron un dispositivo de vixilancia continua para protexer á muller, dado que o presunto agresor fuxira, e acompañárona en todo momento e trasladárona a un piso de acollida.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.