SANTIAGO DE COMPOSTELA | 19/10/2017 | Actualizada ás 15:32 por EUROPA PRESS
Un home faleceu este xoves nun accidente laboral rexistrado ao caerse nunha gabia cando traballaba no termo municipal de Carballo (A Coruña).
Segundo os datos facilitados polo 112 Galicia a Europa Press, o accidente laboral tivo lugar sobre as 13,30 horas no lugar do Outón, na parroquia de Rus, no municipio de Carballo.
Foron mobilizados a Guardia Civil, Protección Civil e o 061, que enviou ao lugar unha ambulancia asistencial, persoal sanitario do centro de saúde de Carballo e o helicóptero medicalizado con base en Santiago, pero a aeronave finalmente foi anulada.
O 061 confirmou que o paciente atendido, o home J.C.C., de 37 anos de idade, faleceu no punto.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.