Localizan un corpo na zona de busca da moza arrastrada polo mar na Coruña
Procedeuse a realizar as tarefas de identificación do cadáver localizado na zona do Orzán, onde se buscaba a unha moza ourensá arrastrada polo mar hai dez días.
Por E.P. | A CORUÑA | 09/04/2018 | Actualizada ás 11:28
Efectivos de emerxencias localizaron este luns un corpo na zona de busca da moza arrastrada polo mar hai dez días na Coruña, segundo informaron a Europa Press fontes de Salvamento Marítimo.
En concreto, foi unha embarcación dos bombeiros mobilizada na zona da Enseada do Orzán, xunto a unha moto de auga, a que localizou o corpo na contorna da praia de Riazor.
Fontes municipais indicaron que se procedeu a realizar as tarefas de identificación do cadáver localizado na mañá deste luns na zona do Orzán, onde se buscaba á moza ourensá arrastrada polo mar.
O operativo de busca da moza de Ourense desaparecida activouse o pasado 30 de abril cando unha onda a arrastrou de madrugada na praia de Riazor, nas proximidades da Coraza do Orzán.
