Por E.P. | Santiago de Compostela | 23/04/2018 | Actualizada ás 11:14
A pensión media creceu un 2% en abril en Galicia con respecto ao mesmo mes do ano anterior, pero segue estando moi lonxe da media estatal. De feito, un pensionista galego cobra 790,81 euros, fronte a un o resto de España que cobra 934,63 euros, segundo os datos que publica este luns o Ministerio de Emprego e Seguridade Social. Deste xeito, a contía media da pensión na comunidade galega supón un 84,6% da pensión media estatal. Só Estremadura, con 775,7 euros, ten unha pensión media inferior á de Galicia.
Por provincias, na Coruña e Pontevedra supera os 830 euros, mentres que en Lugo queda en 702,16 euros e en Ourense a cifra é de 681,62 euros. O número de pensións en abril na comunidade autónoma foi de 760.977, o que representa un 7,9% do conxunto do sistema e supón un repunte de catro décimas en comparación co mesmo mes de 2017.
A repartición é de 69.958 pensións por incapacidade permanente, por un valor medio de 843,78 euros; 473.961 de xubilación, por 901,06 euros e 186.905 de viuvez, por 554,59 euros. Tamén hai 23.801 de orfandade, por un importe medio de 376,68 euros e 6.352 por favor de familiares, por 483,66 euros. En Galicia, as pensións con complemento a mínimos son 236.189, delas 89.130 na provincia da Coruña, 66.474 en Pontevedra, 41.351 en Ourense e 39.234 en Lugo.
CONXUNTO ESTATAL
A Seguridade Social destinou neste mes de abril a cifra record de 8.965 millóns de euros ao pago das pensións contributivas, un 2,9% máis que no mesmo mes de 2017, segundo datos publicados este luns polo Ministerio de Emprego e Seguridade Social.
O número de pensións avanzou en abril un 1,0,7% respecto ao mesmo mes de 2017, até 9.592.024 pensións, novo record do sistema. Aínda que a taxa de crecemento interanual de abril non é das máis altas dentro na serie histórica da última década, con ela xa se acumulan 27 meses consecutivos de crecementos superiores ao 1%.
En termos mensuais, o número de pensións incrementouse un 0,08%, con 8.407 novas pensións respecto das que se pagaban en marzo. A pensión media de xubilación situouse ao comezo do presente mes en 1.080,52 euros mensuais, un 1,9% máis que en igual mes de 2017.
Pola súa banda, a pensión media do sistema, que comprende as distintas clases de pensión (xubilación, incapacidade permanente, viuvez, orfandade e a favor de familiares) situouse en abril en 934,63 euros mensuais, o que supón un aumento interanual do 1,8%.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.