Medio Rural subvencionará a aqueles propietarios que planten carballos e castiñeiros na franxa dos 50 metros

Este ano destinará sete millóns de euros a repoboar os montes galegos con frondosas e coníferas.

Por Galicia Confidencial | Compostela | 26/04/2018 | Actualizada ás 15:27

Comparte esta noticia

O Goberno galego está disposto a premiar aos propietarios de terreos que lindan con núcleos de poboación e que teñen piñeiros, eucaliptos ou acacias. Quere que substitúan estas especies por carballos ou castiñeiros na franxa de 50 metros que están obrigados a respectar por lei para evitar os perigos dos lumes en casas e lugares habitados.

Abanca promove a reforestación nos montes de Chandebrito
Abanca promove a reforestación nos montes de Chandebrito

No Consello da Xunta deste xoves aprobouse un paquete de sete millóns para impulsar a reforestación dos montes galegos con especies de frondosas e coníferas, fronte ás especies invasoras como o eucalipto. Esta achega é a maior feita nos últimos anos.

De feito, Feijóo lembrou que nos últimios dous anos reforestaronse con especies autóctonas un total de 5.600 hectáreas grazas a axudas públicas que recibiron, sobre todo, comunidades de montes. Na axuda deste ano, as subvencións aumentaranse ata as propiedades de 150 hectáreas e tamén poderán acollerse a elas os propietarios de fincas que teñan que cumprir a franxa dos 50 metros e que teñan, como mínimo, unha hectárea de finca. 

O obxectivo do Goberno galego con esta nova liña de axudas é impulsar a diversidade forestal e a posta en valor do monte galego. Estarán en vigor ata o 15 de outubro de 2019. 

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 3 comentarios

2 Gamela

como mínimo, unha hectárea de finca... ¿sabedes de moitas fincas que teñan 10.000 metros cadrados a carón das casas? Só subvencionan aos que non precisan subvencións ? Supoño que serán os mesmos 213 millóns para os galegos "retornados" de Venezuela e Mexico?

1 celerico

Subvencionará "os propietarios",non aos propietarios.Que nesta altura haxa ainda este tipo de duvidas demostra o desleixo de que o galego é victima.

1 Tes moito que aprender

Pero quen es ti para dar clases de nada. Se es ti o que desleixa o idioma. Que é iso de "duvidas" e de "victima"?. Aprende a escribir antes de botar a língua a pacer. Fainos ese favorciño a todas.