Falece un operario ao envorcar o camión que manexaba en Laza

Segundo informou o Centro Integrado de Atención a Emerxencias 112-Galicia, o suceso ocorreu sobre as 11,00 horas da mañá deste mércores nun túnel próximo á estación de tren de Prado, en Laza, onde o operario traballaba manexando un camión que envorcou.

Até a zona desprazáronse efectivos dos Bombeiros de Verín, do GES de Laza e da Garda Civil, así como o helicóptero medicalizado do 061 con base en Ourense, que só puido confirmar o falecemento do home.