C's chama á unión dos "liberais progresistas" para "combater populismos e nacionalismos"

Nunhas xornadas de debate celebradas en Compostela, representantes do partido laranxa rexeitaron as ideas dos "vellos partidos de esquerda e dereita" como forma de facer fronte aos retos actuais.

Por Europa Press / Redacción | Santiago de Compostela | 15/12/2018 | Actualizada ás 19:17

Comparte esta noticia

O secretario de programas e portavoz económico de Ciudadanos, Toni Roldán, instou nun acto en Santiago de Compostela á unión dos "liberais progresistas" para crear un "gran centro político para combater aos populismos e aos nacionalismos".

Toni Roldán, secretario de programas e portavoz económico de C's
Toni Roldán, secretario de programas e portavoz económico de C's | Fonte: Europa Press

No marco da celebración das I Xornadas 'Civium Galicia', Toni Roldán destacou que "os vellos eixos de esquerda e dereita xa non serven para explicar as cousas que hoxe pasan no mundo" e criticou, na súa intervención, que España gaste "seis mil millóns en formación" e que non se saiba "en que se invisten".

Pola súa banda, Andrés Velasco  Brañes, profesor da  London  School of Economics, referiuse ao auxe dos populismos destacando o valor e a necesidade da política liberal xa que "as ideas de centro liberal son ideas distintas, ideas propias". Subliñou que "cando hai problemas que requiren respostas complexas, os populismos responden dunha forma  simplista" e defendeu que fronte á "mentira do populismo, no liberalismo non caben as medias tintas, hai que ser honesto".

O acto foi clausurado pola portavoz autonómica de C's, Olga Louzao, que agradeceu aos asistentes a súa presenza nas xornadas e emprazou os participantes a que o debate "teña continuidade pola importancia dos temas expostos nos foros de discusión, así como pola calidade dos seus relatores".

As xornadas celebradas en Santiago de Compostela analizaron os desafíos do rural no século XXI e o presente e futuro da comunidade, acorde ás esixencias do século  XXI e da revolución dixital.

CIUDADANOS DE NARÓN

Por outra banda, Ciudadanos de Narón acusou ao Concello de non permitirlle instalar a súa carpa no Feirón de Sedes da localidade, que xestiona a administración local.

"Non cremos admisible que por terceira vez se nos denegue a instalación da nosa carpa", criticou a coordinadora local de C's, Ana Regueira.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 2 comentarios

2 uu1

Agora que xa non son constitucionalistas, son antipopulistas e antinacionalistas Artigo 2: A Constitución fundaméntase na indisoluble unidade da Nación española, patria común e indivisible de todos os españois, e RECOÑECE e GARANTE o dereito á AUTONOMÍA das NACIONALIDADES e rexións que a integran e a solidariedade entre todas elas. Artigo 3: 1. O castelán é a lingua española oficial do Estado. Todos os españois teñen o deber de coñecela e o dereito a usala. 2. As OUTRAS LINGUAS españolas SERÁN tamén OFICIAIS nas respectivas comunidades autónomas de acordo cos seus estatutos. 3. A riqueza das distintas modalidades lingüísticas de España é un patrimonio cultural que será obxecto de especial RESPECTO e PROTECCION.

1 Comegazpachos

Ha ha ha, e para iso pactamos con VOX que é aínda máis fascista, máis nacionalista e máis populista ca nós.