Vítimas do Terrorismo piden a Feijóo que poña unha placa en recordo de dous policías asasinados polo Grapo

Os dous foron asasinados en marzo de 1989 no atraco ao antigo Banco de España de Compostela.

Por Europa Press / Redacción | SANTIAGO DE COMPOSTELA | 18/02/2019 | Actualizada ás 17:35

Comparte esta noticia

A presidenta do Colectivo de Vítimas do Terrorismo (Covite), Consolo Ordóñez, mandou unha carta ao presidente da Xunta, Alberto Núñez Feijóo, na que lle pide que poña unha placa conmemorativa en recordo de dous policías asasinados polo Grapo, no 30 aniversario da súa morte.

En concreto, as vítimas son Pedro Antonio Cabezas González e Constantino Lima Nogueira, ambos os asasinados polo Grapo no antigo Banco de España de Santiago de Compostela o 10 de marzo de 1989.

Tal e como plasma na carta, Consolo Ordóñez lembra que é "unha obrigación ética e política lembrar ás vítimas do terrorismo nos lugares onde foron asasinadas" e reivindica o dereito destas á memoria.

Do mesmo xeito, considera que as placas conmemorativas "contribúen a que as novas xeracións sexan conscientes da historia de terror" vivida en España, "polo que tamén supoñen unha ferramenta de prevención da radicalización violenta".

Grapo.
Grapo.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Abraiado

E non serían gardas civís?