Verín empeza a ‘correr o Entroido’

A partir das 11:30 horas, o son de chocas alagará as rúas de Verín coa popular concentración de Cigarróns na Praza do Concello. Como é tradición, os fregueses serán recibidos á saída das igrexas RR.PP Mercedarios e Parroquial polos cigarróns.

Ás 13:30 horas, terá lugar na Praza Maior o Pregón do Entroido, que este ano correrá a cargo do mítico entroideiro verinés Manolo “Cazoleiro”.

As charangas Támega e Vakapinta, a Discomobil Gramola e a orquestra Trébol  marcarán o ritmo durante toda a xornada.

Todo o programa do Entroido de Verín aquí.