Por E.P. | SANTIAGO DE COMPOSTELA | 26/02/2019 | Actualizada ás 16:36
O conselleiro de Cultura e Turismo, Román Rodríguez, anunciou este martes a ampliación do albergue de peregrinos de Pontevedra, o que responde as necesidades expresadas pola Asociación de Amigos do Camiño Portugués, que desde hai dúas décadas atende esta instalación integrada na Rede Pública do Xacobeo.
Román Rodríguez visitou este martes as instalacións do albergue da cidade, entre elas o espazo onde se habilitarán novas camas e liteiras para satisfacer a demanda crecente dos peregrinos.
O presidente da Fundación Amigos do Camiño Portugués, Tino Lores, trasladoulle as inquietudes e propostas dos hospitaleros, así como a necesidade de aumentar as liñas de colaboración mantidas.
O titular de Cultura e Turismo explicou que coa ampliación proxectada o albergue de Pontevedra pasará a ser o de maior capacidade dos dez establecementos públicos cos que conta o Goberno autonómico no Camiño Portugués.
O conselleiro lembrou que tamén está en marcha o proxecto para a construción dun novo albergue na variante costeira do Camiño Portugués na zona vella da cidade de Vigo e que estará plenamente operativo de cara á celebración do Ano Santo.
Finalmente, Román Rodríguez destacou que a Xunta investirá 6,5 millóns de euros nas diferentes rutas do Camiño de Santiago na provincia de Pontevedra e avanzou que a Xunta licitará un contrato de mantemento para cada un dos itinerarios oficiais
O Camiño Portugués e o Camiño Portugués da Costa recibiron en 2018 o 25 por cento do total dos peregrinos que acudiron a Santiago de Compostela, cun crecementos do 14,5% e o 89%, respectivamente.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.