A Federación Galega de Enfermidades Raras facilitará información e recadará fondos polo Día das patoloxías raras
Haberá puntos de recadación de fondos en diferentes zonas da Coruña, Santiago de Compostela, Ferrol, Noia, Pontevedra e Vigo.
Por Europa Press / Redacción | SANTIAGO DE COMPOSTELA | 28/02/2019 | Actualizada ás 09:16
A Federación Galega de Enfermidades Raras e Crónicas facilitará información e recadará fondos esta semana con motivo do Día das Enfermidades Raras, que afectan a máis de 200.000 persoa en Galicia, que se celebrará este xoves 28.
Co fin de difundir e visibilizar a este sector no ámbito galego, a entidade disporá de mesas informativas e de recadación de fondos en diferentes zonas da Coruña, Santiago de Compostela, Ferrol, Noia, Pontevedra e Vigo.
Tamén, co apoio e colaboración dos concellos galegos, iluminarán monumentos ou elementos emblemáticos "co fin de xerar curiosidade e, paralelamente, representar á Federación e ao seu colectivo", explicou nun comunicado.
"Este ano, unímonos a Feder e unificamos as cores na iluminación, deixando ao carón as cores corporativas da entidade para pasarnos ao verde", concretou.
