As vítimas de Angrois esixen "data e hora" ao ministro de Fomento para manter unha nova reunión

As vítimas do accidente do tren Alvia ocorrido en Angrois en xullo de 2013 piden "data e hora" para manter unha nova reunión co ministro de Fomento en funcións, José Luís Ábalos. Deste xeito, e reclamándolle que "non fale" no seu nome, respostan ás súas declaracións do xoves desde Estrasburgo, onde foi preguntado por se favorecerá que se faga unha investigación independiente do sinistro despois de que Europa dictaminara en varias ocasións que a realizada ata agora por España non o é.

A través dunha nota de presa, a plataforma de vítimas insta a Ábalos a que "non xere aínda máis dor e confusión", ao recriminarlle que dixese que "recibirá ás vítimas cada vez que faga falta". "Levamos máis de oito meses solicitando reiteradamente unha reunión ao ministro. Sen ir máis lonxe, fai un mes falamos por teléfono co seu director de gabinete e nos dixo que non era posible", subliñan

Ademais, criticou que quitara importancia a realizar a investigación que reclama a Unión Europea, ao apelar a que as vítimas solo lles interesan "as responsabilidades xudiciais"."Señor Ábalos, queremos recordarlle, por se non o sabía, que en democracia existen tres tipos de responsabilidades: as penais, as técnicas e as políticas. As vítimas e familiares levamos case seis anos pedindo que depuren todas", asevera. E engade que "precisamente son as responsabilidades técnicas as que lle corresponden" ao ministro en funcións e ao seu equipo.

"A Unión Europea, nun durísimo informe, concluíu que o Goberno non cumpriu dun xeito adecuado coa obriga de investigar o accidente. O informe puso de manifesto a falta de independencia e a invalidez da investigación realizada pola Comisión de Investigación de Accidentes Ferroviarios (CIAF)", lembra a asociación.

NOVA CIAF

Segundo incide, "os membros da CIAF están a realizar unha grave deixación de funcións e faltan ao obrigado cumprimento da Directiva de Seguridade Ferroviaria". "Non eluda a súa responsabilidade, cumpra a súa palabra e siga os dictámenes da Unión Europea", indica.

Deste xeito, sinala que a lei do sector ferroviario permite ao titular de Fomento cesas aos membros da CIAF e crear unha nova comisión de investigación técnica independente, que é o que queren "para saber a verdade" e "o que merece a cidadanía para poder mellorar a seguridade ferroviaria española e europea".