Por E.P. | SANTIAGO DE COMPOSTELA | 20/06/2019 | Actualizada ás 11:43
Galicia rexistrou o pasado mes de abril un incremento do 5% na súa cifra de negocios no sector servizos en relación ao mesmo mes de 2018, mentres que a ocupación aumentou un 1,9%, segundo os datos publicados este xoves polo Instituto Nacional de Estatística.
De media no que vai de ano, ata abril, a facturación na comunidade galega do sector servizos acumula un incremento do 6,1%. Mentres, o emprego rexistra de media no que vai de 2018 un ascenso do 2,3%, por encima da media nacional, que se sitúa nos dous puntos e un aumento do 0,1% en comparación co mes de marzo.
O aumento a nivel estatal na cifra de negocios foi superior ao galego, cun 6,2% en comparación co mesmo mes de 2018.
O pasado mes de abril todas as comunidades autónomas presentaron avances interanuais na cifra de negocios do sector servizos. Os aumentos máis importantes rexistráronse en Andalucía (+9,2%) e Estremadura (+9,1%), mentres que os menores déronse en Canarias (+3,5%), Castela-A Mancha (+3,9%) e A Rioxa (+4,4%).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.