A produción certificada do Pan de Cea: 448.000 quilos e 16 fornos rexistrados
O valor económico estimado sitúase por encima do millón de euros.
Por Europa Press / Redacción | OURENSE | 07/07/2019 | Actualizada ás 17:28
A produción certificada de Pan de Cea, que se elabora no termo municipal de San Cristovo de Cea, na provincia de Ourense, superou os 448.000 quilos o pasado ano e alcanzou os 16 fornos rexistrados.
Dos últimos datos da Indicación Xeográfica Protexida do Pan de Cea, recentemente coñecidos e referidos ao exercicio de 2018, destácase que o valor económico estimado sitúase por encima do millón de euros.
Así o destacou a Xunta con motivo da súa XXVIII festa de exaltación, celebrada este domingo en San Cristovo de Cea. Trátase dun pan "singular" da comunidade no que o 50% da súa fariña de trigo procede de campos galegos.
O conselleiro do Medio Rural, José González, asistiu á celebración do produto nun evento no que puxo en valor o traballo da Xunta para promocionar e divulgar os alimentos galegos.
