Ana Pontón: "Galicia está ausente, muda e desaparecida no debate de investidura"

A portavoz nacional do BNG tildou o debate de "morto e fallido" e referiuse á necesidade de reverter a situación de "irrelevancia política" na que se atopa Galicia a nivel estatal.

Por Uxía Iglesias | Santiago de Compostela | 15/07/2019 | Actualizada ás 13:04

Comparte esta noticia

O BNG critica a "irrelevancia política" a nivel estatal á que conduciron Galicia durante este último mes e medio. No marco do debate de investidura que se ha celebrar na semana próxima, Ana Pontón asegurou en rolda de prensa este luns que "todo indica que o resultado será un "debate morto, fallido". Sobre a posibilidade de que se repitan eleccións, a portavoz considera que a gran maioría dos cidadáns non o entendería: "xa cumpriron coa súa parte de responsabilidade".

A portavoz nacional do BNG, Ana Pontón.. PEDRO DAVILA-EUROPA PRESS - Arquivo
A portavoz nacional do BNG, Ana Pontón.. PEDRO DAVILA-EUROPA PRESS - Arquivo

"A política estatal navega entre dúas augas: a irresponsabilidade e o infantilismo", comenta. Un caldo de cultivo que, segundo a portavoz nacional do partido, impide que as necesidades importantes que ten Galicia e que dependen do Estado non se poñan enriba da mesa. Por contra do que acontece cos cataláns, vascos, canarios ou cántabros, referencia Pontón, Galicia está "ausente, muda e desaparecida".

Criticou, entón, a falta de propostas para unha "longa lista de agravios": "o espolio enerxético, a estafa das peaxes da AP-9, un sistema de financiamento que nos fai perder 3500 millóns de euros cada ano, a débeda de 200 millóns do estado a Galicia en materia de dependencia, e a necesidade de que se invista no ferrocarril". Fronte a isto, Ana Pontón asegurou que "para que Galicia teña peso na política estatal ten que estar o BNG". Segundo a portavoz, "tanto o PP coma o PSOE non teñen ningunha posición seria de país".

Pontón apela a recuperar a idade de xubilación aos 65 anos, a eliminar as restriccións impostas polo Estado para a xestión directa dos servizos públicos, a mellorar o estado das pensións galegas, as segundas máis baixas do estado, e a mudar o actual sistema de financiamento. De igual xeito, referiuse á necesidade de reverter a precariedade laboral e a situación de recentralización política que implica "menos benestar e menos oportunidades para Galicia".

Respecto do nomeamento de Corina Porro como delegada da Xunta en Vigo, Ana Pontón considera que "o problema non é a persoa, son as políticas". Parte da solución pasa, logo, por saír desa confrontación entre Feijóo e Caballero para centrar a atención nos problemas da cidade: a falta de depuración da ría, a perda de pulsión do emprego e a privatización da Sanidade, da que Vigo foi un "laboratorio". Segundo Pontón, "nada disto vai solucionar Corina Porro". 

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 7 comentarios

5 Flipaos

Anita, os fanáticos da UPG seguides confundindo Galiza co BNG. Galiza non está ausente, está ausente o BNG. A ver cando saides da burbulla endogámica e, polo tanto, do voso delirio mesiánico.

4 Caselas

Investidura de quen, se o protexido do BNG, chamado Pedro Sánchez, non quere ser presidente? E, tranquila Ana Pontón, a ti e aos teus intereses xa vos representa o PsoEspañol! O problema somos os galegos orfos, os que non tragamos co PcE-Podemos, Ciumarranos, PsoE e franquías (BNG), Podres e neofascio. Os galegos decentes non temos valedora, nin en Compostela nin en Madrid.

1 Gourensía

Os galegos orfos e decentes coma ti votades ó PP e ás súas marcas brancas. Tamen gostades de votar a "gallegos castizos" e así nos vai. Dito isto, qué tal se optades por algo novo, tipo "Máis Villares" ou "Errejón en común e Bescansa aínda máis"?

2 VotaPorNós

Monte um partido, Caselas. Eu apoio a sua candidatura para defender os intereses da Galiza como é devido, assi que já tem dous votos, suponhendo que nom se considerará um traidor mais e entom votará por si mesmo. Só lhe faltam umhas quantas dúcias de miles para poder começar a arranjar o impaís. A revoluçom será decente ou nom será!

3 Gustavo

Ah, pero xa foi o debate de investidura?

2 Erguidous

O problema é que temos representantes pero son gallegos, de los bueniños (e non galegos, dos rabudos...). Os membros gallegos do ppsoecsvoxpodemosmareas et alii son gallegos, coma Franco, Fraga, Raxoi, etc. Ise é o problema, son españois nados en Galiza, o psdg e o ppdeg, tone&yoli...

1 Era Visto

Como muda? Pero se temos a Yolanda e a Toné, patriotas galegos à caça de ministério... Há que defender o AVE a Burgos, que ali nessas terras mesetárias nom hai que "furar montanhas". Esta gente é a maior estafa coletiva ao povo galego em décadas...