A vida democrática dos partidos

Nos últimos días tivo lugar, no seo do partido Podemos, a elección das persoas que van ocupar responsabilidades dirixentes en diversos concellos do Estado.Resultou chamativo constatar que o nivel de participación das persoas inscritas ficou nidiamente por debaixo do 50%.

A importancia dun resultado electoral

O calendario destes días convida a revisar o tempo transcorrido e, de paso, alimenta novas ilusións para un futuro mais ou menos inmediato.A mirada retrospectiva serve para calibrar mellor a importancia de certos acontecementos.Ao cabo, a distancia temporal non ten que ser un incentivo para o esquecemento senón para a reflexión construtiva.

A confianza perdida

Hai case seis anos, Miguel Angel Fernández Ordoñez recoñecía que a confianza era o ben mais escaso dos mercados financeiros.Dende que o ex -gobernador do Banco de España pronunciou estas palabras o catalogo dos episodios vividos na esfera económica arruinou a pouca confianza que ficaba na reserva do sistema.As últimas referencias coñecidas sobre o caso Bankia pechan o círculo das infamias iniciado co expediente dos “cartóns black”:a saída das accións a Bolsa formou parte dun engano deliberado que contou coa complicidade activa ou pasiva das empresas auditoras, da CNMV e do Banco de España.Todo pola patria…do negocio.

Nacionalismo galego: construir e destruir

A recente decisión de abandonar ANOVA adoptada pola maioría das persoas afiliadas á corrente CERNA remata, polo momento, a secuencia de escisións rexistradas no nacionalismo galego de esquerdas a partir da Asemblea do BNG celebrada en xaneiro do ano 2012.E, de paso, certifica a verosimilitude daquela advertencia verbalizada por un vello raposo da política española -Felipe González- cando dixo que se podía morrer de éxito.O espectacular trunfo da coalición AGE –promovida fundamentalmente por Anova- nas eleccións do outono de hai dous anos non foi quen de propiciar unha adecuada xestión da heteroxeneidade existente na formación liderada por Xosé Manuel Beiras.

Desconcerto, medo, histeria

Contan as crónicas que, catro días antes de morrer, Emilio Botín confesou a un grupo de xornalistas que tiña dúas preocupacións fundamentais:a situación de Catalunya e o resultado acadado por Podemos.

De CG a CxG

Unha das diferenzas mais destacadas que se constatan nas análises comparativas dos movementos nacionalistas de Galiza, Euskadi e Catalunya é a carencia –no primeiro caso- dunha forza política que, salvando todas as distancias asociadas ás singularidades dos respectivos tecidos sociais, evocara o papel e a incidencia que posuíron PNV e CiU dende o comezo do actual réxime constitucional.

Un virus persistente

Cada certo tempo resucita e ocupa un lugar destacado na axenda mediática.O último episodio foi a constitución do padroado da nova Fundación vinculada á entidade bancaria que emerxeu sobre as cinzas das vellas Caixas de Aforro galegas.A controversia de maior impacto foi, mais unha vez, a delimitación da sede dos órganos executivos da institución.Abel Caballero apareceu inmediatamente no escenario para realizar a enésima demostración de vitimismo vigués fronte ás “forzas norteñas do mal” que encabeza Feijoo.

Allariz

Se alguén percorre as estradas inglesas e francesas como forma de acadar unha desexábel desconexión estival terá serios problemas para facer efectivo semellante obxectivo.Porque se mantén os ollos abertos e posúe unha mínima sensibilidade valorativa non poderá deixar de percibir as diferenzas abismais entre a ordenación urbanística dominante neses países e na Galiza actual.