Por Galicia Confidencial | Touro | 23/07/2019 | Actualizada ás 21:00
A Marea de Touro denuncia a colocación dunha farola do alumeado público orientada cara a vivenda familiar do propietario de Electricidade Lorenzo, concesionaria do mantemento eléctrico deste municipio.
“O Concello de Touro paga con cartos de todos a iluminación privada dun empresario afín ó partido”, denuncia esta formación nun comunicado no que pide ao alcalde que retire esta farola. Ademais, anuncia que se reserva o dereito de tomar as medidas legais que considere oportunas.
No pasado mes de maio o alcalde de Touro, o popular Ignacio Codesido, recoñeceu ante os medios que utilizou á empresa concesionaria do alumeado público para colocar os carteis electorais do Partido Popular. “O propietario da empresa Electricidade Lorenzo recoñecía ser do Partido Popular e contradecía a versión do alcalde ó afirmar que non cobraba nada por esta labor, cando o rexedor local afirmara que lle pagaría cincuenta ou cen euros sen especificar como os xustificaría”, lembran desde a marea local.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.